Пиво без етикета, „Златен даб“ продолжува со поддршката на различностите

(Oвој напис е објавен на: June 11, 2018)

„Без предрасуди, без етикети”. Ова не е насловот на некоја социолошка студија за проблемите со кои ова наше општество се соочува во последните две децении. Ова е пораката на актуелната кампања на Прилепската пиварница за нивниот популарен пивски бренд „Златен даб”. Менаџментот на пиварницата од Прилеп реши директно да влезе во битката против стереотипите и предрасудите.

По одличниот видео спот, кампањата продолжува да го промовира почитувањето на разликите и отфрлање на предрасудите и етикетирањето.

Во неколку града, во продавниците на познатите ланци маркети, во лимитирана серија „Златен даб“ од 0,5 л. се продава без етикета. И тука пораката е поддршка на различностите и ослободување од предрасудите.

Од секое купено шише „Златен даб“ 0,5л. без етикета ќе се издвојуваат по 5 денари за фондот за донации на Прилепска пиварница, а средствата од фондот ќе бидат донирани во хумани цели.

Со овој несекојдневен маркетиншки потег – шишиња „Златен даб“ да се продаваат без етикети, пораката „Без предрасуди, без етикети“ се пренесува директно и се повикува на прифаќање на различностите, ослободување од стереотипите и отфрлање на дискриминацијата од секаков вид.

Фондот на Прилепска пиварница директно ќе го финансира градењето свет еднаков за сите, со „пивото без етикета“ против дискриминацијата од секаков вид.


 

мкд.мк