Во атарите на неготинските села Курија и Црвени Брегови се оформени и понудени на продажба 17 градежни парцели за изградба на нови винарници, од кои досега се продадени шест парцели, а бидејќи има интерес, постои оптимизам дека и преостанатите парцели ќе се продадат, соопшти градоначалникот на Неготино, Ванчо Апостолов.
„Неготино е општина со најголем број винарници по глава на жител во Македонија и ние како локална самоуправа во соработка со Владата и Министерството за земјоделство ќе продолжиме со активности да го зачуваме приматот на респектабилен лозаровинарски регион“, рече Апостолов. На таков начин се зголемува конкуренцијата, а лозарите имаат поголем избор каде да го предадат произведеното грозје, рече Апостолов.
