Поради високите температури се забранува движење на камиони

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Што се однесува до забраната за тешки товарни возила, при екстремно високи температури и за време на викендите, во сила е од 1 јули до 31 август.

Термините се следни:

– петок од 17 – 22 часот,

– сабота од 9 до 18 часот и

– недела од 9 до 22 часот.

На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:

– петок од 15 – 22 часот,

– сабота од 7 до 12 и од 18 до 24 часот и

– недела од 7 до 22 часот.