Привршува пријавувањето субвенции за млеко

Сточарите кои го предале млекото од мај до септември годинава најдоцна до 5-ти ноември треба да ги достават барањата субвенциите. Финансиската поддршка изнесува 3,5 денари за литар кравјо,овчо и козјо млеко.

На млекопроизводителите им остануваат уште неколку дена за да можат да се пријавуваат за субвенции за произведено и продадено овчо, козјо и кравјо млеко од мај до септември 2017-та година.

Висината на поддршката е 3,5 денари за еден литар. Барањата се поднесуваат по електронски пат до 5-ти ноември во подрачните единици на Министерството каде што е регистрирано земјоделското стопанство или фармата.

Во овој рок се поднесуваат и барањата за финансиска поддршка во живинарството за несилки набавени исто така од мај до септември годинава.

За секоја купена несилка за производство на јајца ќе се добиваат по 100 денари.

Share Button