Агро бизнисБез категоријаВести
Променливо облачно и релативно топло со сончеви периоди
1 Берово, 2 Попова Шапка, 4 Крива Паланка, Струмица, Лазарополе, 5 Маврови Анови, Гевгелија, Крушево, 6 Скопје-Петровец, Велес, Куманово, Кавадарци, Дојран, 7 Штип, Тетово, Прилеп, Демир Капија, Виница, Претор, 8 Скопје-Зајчев Рид, Битола, Охрид, 9 Дебар.
Наутро во одделни котлини ќе има појава на магла или ниска облачност. Преку денот променливо облачно и релативно топло со сончеви периоди. Ќе дува умерен, а во западните делови засилен ветер од југозападен правец. Во текот на ноќта во западните и северните делови ќе има врнежи, кои во пониските места ќе бидат најпрвин од дожд, а потоа ќе преминуваат во снег. На планините и на повисоките места врнежите ќе бидат од снег. Ветерот ќе го промени правецот во северен и долж Повардарието ќе засилува.
Во Скопје променливо облачно со сончеви периоди. Ќе дува слаб до умерен јужен ветер. Во текот на ноќта ќе има врнежи од дожд кои постепено ќе преминат во снег. Ветерот ќе го промени правецот во северен и ќе засилува.
ВРЕМЕТО ВО СЛЕДНИТЕ ДЕНОВИ:Во сабота ќе има значителна промена на времето. Под влијание на влажен и студен бран ќе има врнежи претежно од снег, кои наместа ќе бидат пообилни, особено во западните делови. На планините ќе се формира значителна снежна покривка (над 30 см), а во пониските места од 3 до 10 см. Ќе дува засилен северен ветер, особено долж Повардарието и температурите значително ќе опаднат. Локални врнежи од снег ќе има и во недела претпладне, а од понеделник времето ќе биде стабилно со ниски утрински температури.
