fbpx
Агро бизнисБез категоријаВестиВиноМеханизацијаТоп вести

Прв меѓународен саем „Винска визија Отворен Балкан“ од 1 до 4 септември во Белград

Овој настан што ќе се одвива на Белградскиот саем ќе биде идеална можност за производителите на вино и винариите од целиот регион да се претстават пред најшироката публика и со тоа да обезбедат уште поголема видливост на пазарот. Исто така, ова е можност за сите изложувачи да се сретнат, да ги споделат своите искуства и да се поврзат со дистрибутери и претставници на комплементарни индустрии.

Првиот меѓународен саем за вино ќе го организираат земјите-партнери, основачи на иницијативата Отворен Балкан – Србија, Северна Македонија и Албанија, во Белград од 1 до 4 септември, јави дописникот на МИА од Белград.

Овој настан што ќе се одвива на Белградскиот саем ќе биде идеална можност за производителите на вино и винариите од целиот регион да се претстават пред најшироката публика и со тоа да обезбедат уште поголема видливост на пазарот. Исто така, ова е можност за сите изложувачи да се сретнат, да ги споделат своите искуства и да се поврзат со дистрибутери и претставници на комплементарни индустрии.

-Саемот на уникатен начин ќе ги вкрсти винските патишта на Балканот и ќе ги собере најдобрите производители на вино во регионот, а ќе се организира под покровителство на владите на Србија, Северна Македонија и Албанија како дел од иницијативата Отворен Балкан, соопштија од Белградскиот саем.

Целта на саемот е да се прослави врвната изработка на мајсторите во производството на најдобрите вина и да се промовира единствен спој на вкусови и мириси кои го претставуваат духот на самиот Балкан, неговата географија и богатството на сорти, како и менталитетот на оние кои на посебен начин уживаат во вината од оваа и другите региони.

Како што е наведено на веб-страницата на Стопанската комора на Србија (ПКС), осмислена е богата програма која вклучува саемски натпревар Open Balkan Wine Trophy 2022, професионални состаноци од различни формати, мастеркласи, разговори за потенцијалот на винската индустрија на Балканот, можности за зголемено учество на светските пазари, како и B2B состаноци на кои на производителите ќе им се даде можност да го прошират својот бизнис, да воспостават нови и да ги зајакнат постоечките деловни контакти.

Како главен град на најдобрите вина за време на овој саем, Белград ќе ги собере најеминентните винари, лозари, мајстори на визби, енолози, сомелиери и трговци со вино, како и изложувачи од најпознатите европски и светски винарии. Ќе има и дистрибутери и трговци на вино од целиот свет.

Заедничкиот настап на регионот во извозниот бизнис на „трети пазари“, меѓусебната соработка и инвестициите во нови производствени капацитети дополнително би можеле да ги позиционираат членките на Иницијативата Отврен Балкан на светската мапа на вински турнеи, се наведува на веб-страницата на ПКС.

Србија во текот на минатата година 17 отсто од вкупниот извоз на вино го има пласирано на пазарот на ЕУ, а во Русија се извезени 5,5 милиони литри вино, што е 32,5% од вкупната количина на извезено вино.

Најголем увоз е забележан од Северна Македонија и земјите од ЕУ, од каде Србија откупила 40% од вкупниот увоз на вино.

Тагови

Слични написи

Back to top button
Close