Агро бизнисБез категоријаВести
Синдикатот пресмета – минималните месечни трошоци се речиси 1.000 евра
Минималните трошоци на едно семејство во февруари изнесуваат 57.476 денари, што претставува зголемување од 313 денари во однос на јануари, покажуваат податоците на синдикалната потрошувачка кошничка. Пресметката е под претпоставка за семејство од двајца родители и две деца, кои живеат во сопствен стан од околу 60 квадрати.
Со изнајмен стан од 60 квадрати минималните трошоци во февруари изнесуваат 72.851 денар и се зголемени за 213 денари во споредба со јануари.
Според податоците што ги објави Сојузот на синдикатите на Македонија (ССМ), најголеми трошоци едно семејство има за храна и за пијалаци – 21.219 денари (36,9%), потоа образованието (7.022 или 12,2%). За транспорт месечно четиричлено семејство треба да издвои 4.956 денари (8,6%), за рекреација и култура 4.245 денари, а за личната хигиена 2.912 денари.
Од ССМ велат дека околу 90.000 лица во Македонија земаат минимална плата, што е загрижувачки, бидејки овие луѓе живеат во сиромаштија.https://mkd.mk
