вестиВино

Субвенциите за откупеното винско грозје до средината на февруари

(Oвој напис е објавен на: ноември 1, 2018)

Субвенциите од еден денар за откупен килограм винско грозје од годинашната берба, Владата ќе им ги исплати на лозарите најдоцна до средината на февруари 2019-та, односно до празникот Свети Трифун кога се закројува лозјето.

Премиерот Зоран Заев одговарајќи на пратеничко прашање од Панчо Минов рече дека во буџетот за наредната година се испланирани парите за лозарите. Секој што предал винско грозје за откуп до визбите има обврска најдоцна до 25 декември 2018 да достави апликација до Платежната агенција за финансиска поддршка во земјоделството за да биде субвенциониран.

-Ќе се трудиме пред Свети Трифун, кога се закројува лозјето и  кога им требаат парите на лозарите. Се работи за 80 милиони денари ако се 80 милиони килограми. Ги чекаме апликациите до 25 декември, и на почетокот на февруари ќе ги исплатиме парите. Планирани се во Буџетот кој е веќе проектиран за 2019 година, рече Заев.

На прашањето на Минов за долговите од винаријата „Повардарие“, Заев рече дека со заложба на Владата и особено, како што рече, на министерот за земјоделство,  долгот на „Повардарие“  од 5,5 милиони евра, за исплата се останати нето околу 200.000 евра.

-Значи 5,3 милиони се веќе исплатени. Знаејќи дека преку 500.000 евра имаат побарување по основ на субвенции за откупеното грозје од „Поварадарие“, ние до ден-денес остануваме на веќе создадената законска можност, тие пари да им ги исплатиме кога ќе дојдат нула обврски. Значи, и тие 200.000 евра да се исплатат. Остануваме посветени целосно за да се исчисти овој долг кон нашите граѓани производители на винско грозје кои го имаат како побарување од „Повардарие“, рече Заев.

Заменик-министерот за надворешни работи Андреј Жерновски одговарајќи на прашање на пратеникот Бетиан Китев рече дека ќе биде отворен граничниот премин Пуљевац кон Грција и дека за тоа придонес има градењето добрососедски односи. Идејата за тој граничен премин, рече, датира уште од средината на 1980-тите години. Од грчка страна уште во 1975 година бил изграден патот, но, како што рече, поради неподготвеност од наша страна, тоа се уште не е реализирано.

-Денеска доаѓаме на грдењето на добрососедските односи и во тој контекст го гледам и отворањето на граничниот премин Пуљевац. Според она што го имаме како сознание во МНР, остварени се веќе контакти со грчката страна, контакти меѓу општините Кавадарци и Едеса, и се разгледуваат можностите за отворање на тој граничен премин. Во овој момент тоа е актуелизирано и можам да тврдам дека ќе го отвориме. МНР, односно Владата, и понатаму ќе продолжи не само со отворање нови гранични премини, туку и со ревитализирање и реконструкција на постојните, рече Жерновски.


 

sitel

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close