вести

Тутунарите бараат зголемување на откупната цена

(Oвој напис е објавен на: февруари 26, 2018)

 

Откупот на тутунот од ланската реколта полека привршува со просечна цена од 217 денари за килограм. Но тутунарите од општина Конче бараат од владините преставници да најдат модел за зголемување на цените по класи, бидејки со години тие се речиси исти а се зголемуваат цените на репроматријалите.

„Спрема трошоците што ги имаме,  минимум 250 денари да се зголеми, првакласа да биде 300, до 270 втора, 250 трета“ – вели Марко Димитровски, производител од Конче.

„Имаме добар просек, но во друга година кога нема да има квалитет, просекот ќе падне на 100-120 денари“ – вели Наце Јанковски, здружение на тутунари

Министерството за земјоделство, апелираше до тутунарите за организирање и здружување и да бидаат партнер во преговорите со откупните компании доколку сакаат повисоки цени по класи. Тој најави  дека 4 класа ќе биде укината.

„Сега е моментот за многу поголема организираност од страна на земјоделските здруженија и зголемувањето на оваа субвенција по класи е порака до откупувачите, сите да застанеме зад тутунопроизводителите како една од најклучните земјоделски гранки. Министерството и владата ќе го водат овој дијалог помеѓу откупувачите и производителите во сите области и сфери.“ – изјави Љупчо Николовски, министер за земјоделие.

Директорот на платежната агенција потенцираше дека тутунарите, субвенциите за минатогодишната реколта ке ги добијат во април.

„Нашите тутунопроизводителиможат да очекуваат дека оваа реколта ќе им биде исплатена во текот на месец април“ – вели Николче Бабамовски, директор на платежна агенција.

Владата донесе одлука за откупениот тутун од прва класа да исплака субвенции од 80 денари за килограм, за втора 70 а за останатите по 60 денари за килограм. Досега се откупени околу 23 милиони килограми тутун.


 

24 вести

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close