Убава вест-Денеска се исплаќаат средствата за набавка на трактори 121.4

Наши земјоделци, читатели и пријатели на Зелена берза потврдуваат дека на нивните сметки има исплата на средствата за набавка на трактори 121.4.

Од Платежната агенцијата претходно потврдија дека има пристигнати близу 400 барања за поврат на средства за мерката 121.4 „Набавка на трактори“. Сите апликанти кои веќе ги набавиле тракторите, и заедно со барањето за поврат на средства и со целокупната потребна документација согласно повикот ги доставиле до Агенцијата за финансиска поддршка во земјоделството и руралниот развој и чекаа исплата.

За мерката 121,4 Набавка на трактори одобрени беа вкупно 540 aпликации со вкупна финансиска поддршка од  204.800.000 денари, стоеше во одговорот на Платежната агенција до Зелена берза.

А.Б