вести

Угостителите нудат македонска кујна со странски земјоделски производи

(Oвој напис е објавен на: април 25, 2017)

mak kujna

Во регионот состојбата е далеку поинаква туристичките капацитети нудат гастрономска кујна со производи на локални земјоделци.

Хотелите и рестораните во туристичките капацитети во земјава не користат земјоделски производи од локални земјоделци, туку набавуваат вакви производи преку големи дистрибутивни синџири. Спротивно на нашата практика во регионот локалните земјодлески производи се дел од туристичката понуда на угостителите, а во Европа станува стандард употребата на локални производи во угостителските објекти.

Причина за ваквата состојба во земјава, како што посочија денеска од Стопанската комора, е тоа што индивидуалните земјоделци имаат производство кое не е стандардизирано, што пак е задолжително за угостителството.

Во регионот, посебно во Црна Гора и во Словенија состојбата е далеку поинаква. Црна Гора преку стимулативни мерки и програми успеа драстично да го зголеми уделот на локалните производи во гастрономска понуда на угостителските објекти посебно во туристичките центри. Во оваа земја поврзувањето на туризмот со малото земјоделско производство стана приоритет кој се остварува преку два проекта: 3К( квалитет континуитет и квантитет) и 3С (спрецијализација, субвенции и сега и веднаш). Во Словенија, пак, системот е развиен до таа мерка што невладини организации се специјализираат за водење на маркетинг и продажбата на производите на малите земјоделци.

– Кај нас само некои етно-угостителски обејкти кои нудат гастрономска кујна со локален предзнак користат локални производи. Има и туристички агенции кои во своите аранжмани предвидуваат посета на зелени пазари и подготовка на храна од производите набавени од локални земјоделци. Но тоа не е практика кој укажува на поврзаност на угостителите со индивидуалните земјоделци – вели Васко Ристовски од Стопанската комора.

Ваквата состојба, според него, е резултат на незаинтересираност на институциите за развој на ваквиот вид поврзаност иако постојат неколку програми кои се финансирани од европските фондови.

– Стратегијата за рурален туризам која покрај другото требаше да обезбеди користење на локални земјодлески производи во подготовката на храна во угостителските капацитети не заживеа. Дел од парите кои ЕУ ги дава преку своите фондови не беа искористени, дури дел беа запрени. Во тек се неколку проекти ,но се уште нема резултати кои би биле задоволителни– посочи Ристовски.

Од Стопанската комора предлагаат да се воведе систем на следење на земјодлеското производство според одредени локални стандарди за да може производите да добијат сертификат.

-Потребно е формирање и на посебни дистрибутивни центри за откуп на производите од локалните мали земјоделци кои ќе им овозможат на угостителите набавка на нивни производи преку целата година- вели Даниела Михајловска Василевска од Стопанската комора.

Во екот на туристичката сезона лани, според податоците на Стопанската комора, земјоделците, продале производи во вредност од 175 милиони долари.Вкупниот извоз на земјодлески производи е 550 милиони долари, а увозот 700 милиони долари.


 

инфоплус.мк

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close