Време е за сангрија, спој на вино и лето

(Oвој напис е објавен на: February 27, 2017)
Сангрија е овошно вино со потекло од просторите на Шпанија и Португалија. Ова е традиционален пијалок кој станува се повеќе популарен насекаде во светот. Се пие летно време, бидејќи многу освежува. Името го добил од шпанскиот збор sangre што во превод значи крв.
vreme e za sangrija spoj na vino i leto
Денеска постојат неколку видови на сангрија, во зависност од регионот во кој се произведува, и во нејзиниот состав влегува различно овошје. Во медитеранските краеви се употребуваат најчесто банани, киви и манго. Во балканските земји се користат малини и капини, а во северноевропските земји честа е употребата на кандирано овошје.
Во составот на сангријата најчесто се користи портокал, лимон и јаболко.
Покрај овошјето главна состојка во овој пијалок е виното. Најчесто се користи црвено вино, но во последно време се почеста е употребата на бело вино, со што се добива посебен вид на сангрија. Во одредени краеви во пијалокот се додава и рум, лимонов сок, вотка или вода.
Има два вида на сангрија и тоа обична која се добива со мешање на црно вино и овошје, најчесто јаболка, портокал и лимон, и сангрија бланко која се прави со мешање на бело вино и овошје, најчесто праска, киви и манго.