вести

Зошто е добро да јадете цвекло оваа зима?

(Oвој напис е објавен на: март 4, 2017)

zoshto e dobro da jadete cveklo ovaa zima

Цвеклото е двогодишно растениe со темноцрвен вретенест корен и темнозелени листови и спаѓа во најкорисни и најлековити градинарски култури. Се користи целото растение и може да се употребува во текот на целата година. Богата е со витамини и минерали и може да се јаде без ограничувања.

Цвеклото изобилува со хранливи материи и ги содржи речиси сите минерални состојки калциум, калиум, натриум, фосфор, магнезиум, железо, флуор манган, бакар, јод, сулфур, литиум, стронциум, бром …и уште многу корисни состојки кои го подобруваат здравјето.

Поседува значајни количини на витамини Б1, Б2, Ц, како и витамин Б12 кој е редок во растителната храна, па е многу важна во исхраната на вегетаријанците. Присуство на антицијани, влијае при обновување на крвта и има антиканцерогено дејство. Цвеклото има поволен ефект во случаи на деминерализацијата на коските и зглобовите. Присутниот јод помага во борбата против артериосклероза и го забавува процесот на стареење.

Како најлековитите состојки на цвеклото се сметат бетанинот и бетаинот бидејќи ја поттикнуваат размената на материите, го регулираат крвниот притисок, го намалуваат лошиот холестерол, го одржуваат здравјето на крвните садови и ја стимулираат работата на црниот дроб.

Сок од свежо цвекло – поради лековитите својства цвекло се препорачува и при тешки заболувања. Со варењето се губи дел од лековитата моќ, па најдобро е да се пие сок од свежо цвекло. Од еден килограм цвекло, се  добива околу 700 милилитри сок. Цвеклото треба да се излупи, ситно да се изренда и да се прелие со сок од лимон и мед. Откако малку ќе отстои, сокот треба да се пие малку по малку во текот на целиот ден. Кај потешки заболувања треба да се пие од ½ до 1 литар сок дневно, а по подобрувањето количината треба да се намали на ¼ литар.

Салата од цвекло за јакнење на желудникот и црниот дроб – цвеклото треба крупно да се изренда и да се измеша со помало количество рендан корен од целер. Се зачинува со малку сол, јаболков оцет, една лажица маслиново масло и малку мелен ким. Може да се додаде и малку кисело млеко и да се посипе со сечкан магдонос.

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close