Бачовски го вкуси ајварот на Милена Ангелова, мал производител на храна од неживотинско потекло

-Под нејзиниот бренд Везенка се наоѓаат вкусни преработки од пипер и домати.

Ајвар, лутеница, малиџано и кечап се производите кои со регистрирањето како мал производител во АХВ ќе може легално да се продаваат во Тиквешкиот регион.

Ја искористивме оваа посета да ја информираме нашата домаќинка дека од денес е објавен јавен повик за мали производители на храна од неживотинско потекло за кои е предвидено финансирање преку грант од 10.000 евра за купување на опрема и автоматизирање на процесите.

Огромна почит за ваквите производители кои го негуваат традиционалниот начин на производство на храна и кои создаваат нови брендови кои вредат да бидат спознаени и вкусени, објави Бачовски.