Директорот на АХВ, Оливер Миланов си поднесе оставка

Промена на раководната позиција во Агенцијата за храна и ветеринарство. Оливер Миланов поднел оставка од функцијата директор на АХВ, а на негово место е назначен Јовица Андовски, досегашен заменик-министер за здравство, објави Телма

Јовица Андовски нов директор на АХВ

Миланов ја презеде функцијата во јули 2024 година, кога Владата го именуваше за вршител на должноста директор. Одлуката за негово именување беше донесена на 2 јули, а два дена подоцна официјално ја презеде функцијата.

По нешто повеќе од две години раководење со Агенцијата, Миланов се повлекува, а институцијата добива нов прв човек.

Андовски има претходно искуство во здравствениот сектор. Функцијата заменик-министер за здравство ја извршуваше од јули 2024 до октомври 2026 година, а на истата позиција беше и во периодот од 2011 до 2017 година.

Засега не се соопштени причините поради кои Миланов одлучил да поднесе оставка.