Ердован и Емине Исламоски-Дождот е добредојден за сончогледот, очекуваме приноси од над 2 тони по хектар
(фото)Македонија треба да е горда на младите земјоделци!
Ердован и Емине Исламоски од селото Кантларци, се сопружници, млади земјоделци, кои се радуваат на секоја капка дожд за нивите. Велат дека сончогледот напредува и ако врнежите продолжат и во наредниот период очекуваат приноси од над 2 тони по хектар.
Оваа година семејствотоИсламоски има посадено сончоглед на површина од 60 хектари, на земјоделски површини во селата Кантларци, Клепач, Беровци и Долно Српци.
-Многу сум задоволен како напредува сончогледот, дождот е добредојден, ако се задржи ваквото време и следниот период, очекувам приноси од најмалку 2 тони по хектар. Но, се зависи од времето. Земјоделието ни е фамилијарен бизнис и од тоа зависи и нашата егзистенцијата. Целата фамилија сме посветени на нашата земја, а во работата имам силна поддршка од сопругата Емине, вели Ердован за Зелена берза.
