вестиТоп вести

Килограм пипер се продава за 200, а домати за 150 денари – колку квалитет добиваме за оваа цена?

(Oвој напис е објавен на: февруари 28, 2019)

Еден килограм пипер на пазарите можеме да најдеме дури и по цена од 200 денари. Доматите се движат околу 150 денари, а краставиците од 120 до 160 денари.

Производи кои ги мамат купувачите, па речиси секој се одлучува да купи по нешто. На прв поглед убави, но веќе на вкус сфаќаш дека станува збор за залудно потрошени пари.

Добиваме ли квалитет, за таа цена?

-Знаеме каков може да биде доматот во февруари, но кога ќе ги видиме убави на изглед, на прв поглед здрави и вкусни, сите се лажеме. Ги плаќаме скапо, а квалитет нула. Исто е и со краставиците, а и со пиперот, велат купувачите.

-Купивме неколку пиперки чисто за желба, но како да јадеме пластика. Не е ни приближно до онаа вистинска пиперка, а цените високи до плафон.

Доматите одамна го изгубија вкусот на вистински македонски домат. Интересно е што со овој проблем во последните години зазема глобални размери. Експертите се согласни дека не само на доматите туку променет е вкусот на целиот зеленчук. Во струмичкото речиси сите садат домати од хибридни семиња. Така сега исто ви се фаќа дали доматите што ќе ги купите на зелените пазари се струмички или пак се увезени од Србија, Косово, па дури и од Турција.

Според мислењето на потрошувачите, доматите веќе не се тоа што беа, тие станаа “пластични” и без вкус. Некои од пазарџиите кои ги запрашавме за тоа зашто вкусот на македонскиот домат е значително изменет ни одговорија дека се е до семето.

Експертите го потврдуваат ова и велат дека со увозните семиња кои се користат се добиваат нови сорти кои даваат поголем род, подолго време остануваат свежи и се полесни за транспорт. Тие додаваат дека покрај тоа што се користат увозни семиња, најчесто бугарско, грчко и италијанско, голем дел од доматите на зелените пазари се увезени, па затоа вкусовите се измешаа и потрошувачите веќе не можат да го препознаат вкусот на вистинскиот македонски домат.

Хибридните сорти, несоодветните семиња и честите вкрстувања на сортите што не одговараат на нашето поднебје се неколкуте причини што македонските експерти ги лоцираат за губење на вкусот на доматите.

Во Министерството за земјоделство велат дека на пазарот најмногу може да се најдат увозни семиња. За да ги заштитат домашните сорти сите земјоделци што ќе користат домашни семиња ќе добијат поголеми субвенции.

Вината ја гледаат во земјоделците на кои полесно им е да се приспособат на пребирливите европски пазари и да го произведуваат она што тие го бараат наместо да го задржат препознатливото домашно семе.

За да види каде се изгуби вкусот на традиционалниот домат, меѓународен тим експерти испитувале речиси 400 вида домати. Земени биле примероци од најмодерната до најстарите традиционални сорти. Истражувањето е работено на Институтот за полјоделство во Нови Сад. Утврдено било дека во потрага да се добие што поотпорна сорта домати изгубени се 13 елементи што влијаат на неговата специфичен вкус. Исто така, експертите откриле специфични генетски промени.


 

skopjeinfo.mk

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close