НЗМ со реакција -Земјоделството е на колена, а нашето трпение е потрошено до последен атом!
Нема повеќе преговори зад затворени врати додека нашите ниви остануваат необработени, а семејствата препуштени на милост и немилост. Ова е јавен и последен повик до сите земјоделци, сточари, градинари и искрени производители низ цела Македонија
Реакција од Независната земјоделска мрежа Крај на играта!
Земјоделството е на колена, а нашето трпение е потрошено до последен атом!
Години наназад гледаме како неспособноста, бирократијата од топлите канцеларии и катастрофалните политики на министерството го трујат македонскиот алармантен агросектор. Ги донесоа земјоделците до работ на пропаст, условувајќи ги субвенциите со нелогични критериуми кои се само мртво слово на хартија, додека трошоците за производство вртоглаво растат, а трудот ни се понижува со секој изминат ден.
Владата и институциите конечно мора да го слушнат гласот на разумот – доста е од празни ветувања, бирократски лаги и кроење политики од луѓе кои немаат допирна точка со земјата, калта и тешкиот секојдневен пот!
Нема повеќе преговори зад затворени врати додека нашите ниви остануваат необработени, а семејствата препуштени на милост и немилост.
Ова е јавен и последен повик до сите земјоделци, сточари, градинари и искрени производители низ цела Македонија
Време е за солидарност и слога
Сите наши проблеми се исти, а кризата не познава партии. Сега е моментот да бидеме едно срце и еден глас.
Бараме одговорност и директно учество
Примарните производители мора да седат на масата кога се носат стратегии и мерки што ни ја кројат судбината.
Доколку надлежните и понатаму го игнорираат алармот, ситуацијата ќе ескалира преку сите законски, уставни и демократски механизми што ни стојат на располагање.
НЗМ нема да стои со скрстени раце и нема да гледа како ни се гаси вековната традиција. Излегуваме на улица, застануваме зад секој ограбен земјоделец и бараме опстанок за нашиот дом и нашата земја!
Колеги земјоделски производители Споделете ја оваа порака ширум мрежите! Нека се разбуди секое село, нека слушне секој град – земјоделството нема да го дадеме без борба!
