вестиТоп вести

Преку везење пиперки до економско и социјално зајакнување на жените во Радовишко

(Oвој напис е објавен на: мај 23, 2019)

 

Жени, чијашто просечна возраст е 73 години, кои целиот живот се занимавале со земјоделство, немаат ниту еден ден работен стаж, ниту, пак, сигурност во пензионерските денови.

Немаат имот на свое име и зависат од тоа што ќе им го обезбеди семејството. Социјалното претпријатие „Виножито“ го решава токму овој предизвик – економско, но и социјално засилување на овие жени, со тоа што ги ангажира за преработка и за дехидрација на земјоделски производи со акцент на нижена пиперка, која се ниже на стар начин.

Македонка Коцева, која е основачка на ова социјално претпријатие, објаснува дека отсекогаш ги забележувала социјално ранливите граѓани, но не секогаш имала начин како да им помогне. Нанижаната сушена шарена пиперка е автентичен производ, карактеристичен за кујната од овие простори. Откако увиделе дека на пазарот речиси нема ваков производ да се купи, ги насочиле капацитетите да произведуваат везена сушена пиперка и да ангажираат жени што се вешти во оваа работа.

Таа објаснува дека со „Виножито“, можеби, не успеваат да решат крупен општествен проблем како што е исклученоста од пензискиот фонд на лицата што работеле, но сè до стапувањето во сила на одлуките за социјална пензија, носат надеж.

– Носиме надеж во една рурална микросредина дека една посебна група граѓани, барем во есенскиот период може да смета на зголемување на своите лични приходи и тоа преку сопствен труд. Сопствен труд е клучниот договор затоа што тоа е најдостоинствениот начин некој да си ги зголеми скромните приходи – не преку помош, туку преку сопствен труд. Тоа звучи гордо – објаснува Коцева.

Таа додава дека сите заедно размислуваат за зголемување на капацитетите. Минатото лето работеле на изградба на покриен работен простор, а понатаму ќе се опремува со сè што е неопходно.

Сите вклучени жени се од руралните региони на општина Радовиш. Речиси сите се земјоделки и имаат исклучителни вештини за земјоделски работи, но и за ракотворби.

 

 

 

 

– Се вклучуваат од три до седум жени дневно, а досега се вклучени 20-ина. Дневно се ниже толку пиперка колку што е набавена, а работните часови варираат од два до пет часа најмногу бидејќи тие се вешти и многу брзо работат. Да имаме капацитет за складирање би можеле да нанижеме и исушиме и повеќе од 10 тони во сезона – вели Коцева.

 


 

meta.mk

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close