Речиси 90.000 работници се уште ја чекаат априлската плата
Во оваа бројка влегуваат и оние кои работат за минималец од 18 илјади денари.
Речиси 90 илјади работници се уште ја чекаат априлската плата, покажуваат податоците на Управата за јавни приходи.
Во оваа бројка влегуваат и оние кои работат за минималец од 18 илјади денари.
Дел од работодавачите доцнат затоа што аплицирале за субвенции за минимална плата и се уште ја чекаат државната помош, кај дел причините се по други основи.
Состојбата со платите во март е нешто подобра. За овој месец над 7.000 работници чекаат да добијат плата за тоа што го сработиле.
Од УЈП веќе ги опоменале овие работодавачи и ако не си ја исполнат законската обврска во утврдените рокови, ќе им бидат блокирани сметките.
Од УЈП ги образложија и резултатите од направените контроли кај трговци во изминатиот период.
Кај три ланци на маркети е евидентиран кусок од околу 70 милиони денари, по основ на продадена, а не евидентирана роба.
„КАЈ ЕДЕН ОД МАРКЕТИТЕ КОНТРОЛА Е ИЗВРШЕНА НА 21. 22. МАРТ СО 82 ДЕЛОВНИ ЕДИНИЦИ, ОДНОСНО МАРКЕТИ И МАГАЦИНИ. КОНСТАТИРАН Е КУСОК ОД 36 МИЛИОНИ ДЕНАРИ, ПОНАТАМУ ЌЕ ИМА И ДРУГИ АНАЛИЗИ. НА СИТЕ ТРИ ДЕЛОВНИ СУБЈЕКТИ ОД СТРАНА НА УЈП ЌЕ ИМ СЕ НАПЛАТАТ ОКОЛУ 15 МИЛИОНИ ДЕНАРИ ПО ДВА ОСНОВИ (ПЕРСОНАЛЕЦ И ДДВ).“ ВЕЛАТ ОД УЈП.
И покрај проблемите со кои се соочуваат фирмите поради глобалната криза, од УЈП уверуваат дека наплатата на даноците оди добро.
Зголемување на наплатата има кај данокот на добивка, кај персоналецот но и кај ДДВ-то.
