вестиВино

Се произведува квалитетно вино, потребна е засилена промоција

(Oвој напис е објавен на: февруари 15, 2018)

vino

На околу 25 илјади хектари се протега виновата лоза во Македонија. Земјава произведува квалитет. Потребна е засилена промоција. Визбите веќе ги освојуваат европските и светските пазари…

Како приказна без почеток и крај со безброј вкусови, тајни рецепти, традиција со векови. Богато црвено или суво бело. Го нарекуваат пијалок на боговите, го поистоветуваат со мистерија доведена до најголема перфекција. Но, никој не ја открива неговата моќ да подари ведрина и дар на говорот. Енолозите само мудро ги преплетуваат технологијата и знаењето, искуството, велат кој ја посетил Македонија знае во доброто вино е вистината. А, во сончевата долина кај здравата лоза започнува магијата.

„Секој енолог си има своја тајна своја техника, знаењето искуството и бербите поминати се предност.  Виното се раѓа на лозата, значи добро вино, квалитетно здраво со добра шеќерност е предуслов. Виното го опушта човек, едноставно мислите поинаку му функционираат и најверојатно вистината тогаш излегува на виделина“, вели Венера Гелебешева, енолог.

На речиси 25 илјади хектари се протега виновата лоза во Македонија. Винската приказна стара повеќе од осум векови денес е преточена во повеќе од 240 илјади тони грозје, 220 милиони литри квалитетно вино призведено во домашните винарии. Призводството учествува со 20- тина насто во бруто домашниот производ. Виното е вториот најизвезуван производ од земјава. Го сакаат и луѓето во Јапонија. Со технологијата, квалитетот на опремата и мајсторијата растат и проекциите, понесени од амбиците на добриот квалитет, на винарските визби блиски им станаа не само европските, туку и далечните светски пазари. Аирлија, добар род си посакаа на чинот на закројување.

„Најголем дел од извозот на нашето македонско вино, очекуваме во земјите во Русија, а сме единстевн извозник на флаширано и наливно вино во Јапонија. Очекуваме дека ова година ќе биде далеку подобра од минатата, а без субвенционирање на земјоделецот не може да очекуваме и ние винариите дека ќе прозиведеме квалитетно вино со кое ќе се претставиме на светот“, вели Тодор Сејзов, изврешен директор на Сковин.

Белото со риба, пилешко, тестенини, салати. Црвеното со месо, сирење, зачинета храна, чаша вино на ручек или вечера препорачуваат и докторите. Луѓето велат, се поминува само доброто вино останува.


 

мрт

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close