Двор и градина

Сеидба на ранопролетни поледелски култури

(Oвој напис е објавен на: март 4, 2017)

seidba na ranoproletni poledelski kulturi

Ранопролетни култури се: јарата пченица, јариот јачмен и јариот овес. При изборот на површина за сеидба ја јарите култури треба да се води сметка истите да се одгледуваат во плодоред и тоа по можност по окопни или зрнести мешумкасти бидеjќи така ќе се осигура поголем принос. Основната обработка и ѓубрењето за јарите култури, исто како и за озимите треба да се изврши од есен. Роковите за сеидба на јарата пченица се од половината на февруари до половината на март, за јариот јачмен од почетокот на февруари до половината на март, а за јариот овес во првата половина на март. Се што се сее подоцна представува ризик. Јарите култури треба интензивно да се ѓубрат со оглед на кратката вегетација. Доколку основното ѓубрење нее извршено од есен, тогаш за јарата пченица во пресеидбената припрема треба да се наѓубри 250-400 кг/ха NPK 10-30-20. Во предсеидбената припрема може да се додаде и 150-200 кг/ха Урeа 46% Азот и тогаш не е потребно прихранување, а ако не се додаде уреа тогаш се прихранува во фаза на братење со 200-250 кг/ха КАН. За јариот јачмен многу е важна раната сеидба, а целото ѓубрење се врши пред сеидба. При основната обработка се ѓубри со 200-300 кг/ха 10-30-20, а при пред сеидбената обработка треба да се наѓубри со 200-300 кг/ха NPK 15-15-15. За јариот овес основното ѓубрење се врши од есен, но до колку нее извршено , пред сеидба се ѓубри со околу 500-600 кг/ха NPK 15-15-15. Во вегетација се прихранува само јарата пченица (до колку нее предсеидба ѓубрена со азот), бидеќи јачменот и овезот се култури со нежно стебло и многу осетливи на полегнување. Преголемата количина влијае на полегнувањето. За сеидба се користат јари или факултативни сорти. За сеидба на пченицата се употребува 250-260 кг/ха, за јачменот 180-200 кг/ха а за овезот 140-160 кг/ха семе, Во текот на вегетацијата се применуваат сите мерки на нега како кај озимите житарици.

 

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Напишете коментар

Вашата адреса за е-пошта нема да биде објавена.

Back to top button
Close