Земјоделците се атеисти. Постојано се крстат на откупните цени. Наместо в црква, се крстат пред откупните пунктови.
**
И нашите земјоделци може да ги огрее сонце. Ама само додека работат по нивите.
**
Земјоделци имаат слаби рефлекси. Никако да се одбранат од накупците.
**
Се увери дека лозарството нуди неограничени можности. Замина на гроздобер во Италија.
**
За оние што го обработуваат народот, секоја почва е плодна.
**
И во Македонија цветаат сончогледи. Ама само за време на избори.
**
Ако се суди според платите, газдата по два три пати годишно прави шеги на наша сметка.
**
Да имаа глава немаше да си прават пазар со паметот.
**
Има и Македонци на кои очите им се главно оружје. Оние кои мижат пред се.
**
За добар брак се потребни двајца: сопруг и маж во креветот, кога сопругот е на пат.
Миле Ѓорѓијоски
