Со потврда од матичен лекар, невработените до четврток да се пријават за гаснење пожари

Јавниот повик за прием на 400 лица по владината мерка за поддршка против пожарите, завршува во четврток. Директорот на Дирекцијата за заштита и спасување (ДЗС), Стојанче Ангелов ги повика сите заинтересирани да се пријават.

„Значајно е дека со нив треба да носат потврда, медицинска потврда од матичниот доктор, во којашто се потврдува дека не боледуваат од тешки болести, којшто би им пречеле во работењето на оваа исклучително одговорна задача. Други документи не се потребни. Од оние кои ќе покажат интерес за оваа работа ќе ги избереме најдобрите и ќе може да бидат примени како професионални пожарникари во локалните Територијални противпожарни единици. Најдобрите од нив, особено оние кои што гравитираат во Скопје и околината, ќе имаат можност да конкурираат и да бидат дел од новата специјална единица за заштита и спасување, која што е во фаза на формирање“

рече Стојанче Ангелов, директор на ДЗС.