Агро бизнисВестиМакедонијаТоп вести
Тутунарите чекаат субвенции, а министерот објави – За 60% е зголемен откупот на тутун за оваа реколта во споредба со минатата
Вредноста на откупот на последната реколта е 4,5 милијарди денари.
Тутунарите ги чекаат субвенциите од тутунот од последната реколта и постојано поставуваат прашања преку медиумите кога ќе бидат исплатени оти парите им требаат за новата реколта. Поминува и вториот месец од завршувањето на откупот, а тутунарите си ги бараат субвенциите.
Денеска министерот Цветан Трипуновски објави податоци за успешноста на последната реколта.
-За 60% е зголемен откупот на тутун за оваа реколта во споредба со минатата.
За реколтата 2024/2025 се откупени 24.321.802,91 килограм тутун наспроти за периодот 2023/2024 кога се откупило само 14.763.596,06 килограми.
Вредноста на износот на откупот за оваа реколта е зголемен за околу 4,5 милијарди денари.
Бројките говорат за успешните политики кои што ги води Министерството, објави министерот Цветан Трипуновски.
