И на земјоделците може да им се случи нешто убаво и оригинално. На пример да се вратат старите добри времиња-кога не се бавеле со земјоделие.
**
Кај нас најголеми субвенции земаат оние што бројат овци пред да заспијат.
**
Знаат дека земјоделците имаат скапа кожа. Затоа постојано им ја дерат.
**
Велат некогаш со една реколта бостан можело да се купи кола. Значи и тогаш детските играчки биле скапи.
**
Некогаш тука од земјоделие добро се живеело. Велат земјоделците ги дочекувале своите гости со леб и сол.
**
Жртвата е секогаш на местото на злосторството. На пример земјоделецот на својата нива.
**
Накупците знаат на што се раѓа лебот. Затоа и не се симнуваат од грбот на земјоделците.
**
Сами сме криви што ни пропаѓа сточарството.
Секогаш гласаме за оние што прават стока од нас.
**
Мојот дедо работел како земјоделец, татко ми исто така, а и јас работам за еден накупец.
**
Земјоделците се неинформирани луѓе. Веруваат дека од земјоделие може да се живее.
**
Парадокс: кај нас цената на јајцата ја одредуваат оние што немаат јајца да се бават со живинарство.
**
Не дај Боже врбата да роди грозје. И тоа ќе остане непродадено.
Миле Ѓорѓијоски
