Зголемувањето на производството на флаширано вино може да го подобри лозарството. Од здружението агротиквешија сметаат дека на овој начин ќе се овозможи и поголема откупна цена за произведеното грозје. Сепак за реализација на овој план е неопходна поддршка од винариите, вели претседателот Љупчо Аризанов.
Деновиве во Кавадарци се означува официјалниот старт на гроздоберот. Од ресорното министерство очекуваат дека годинава откупот ќе се реализира без проблеми. Цените на грозјето ќе се утврдуваат според висината на шеќерните единици.
Инаку почетните цени за откуп на грозјето се 11 денари за килограм смедеревка и 13 денари за кратошија..
