Вести
Привршува откупот на тутун
80 проценти од произведените количини на тутун се откупени, тврдат од Сојузот на тутунарски здруженија според кои годинава просечната откупна цена се движи околу 186 денари. Досега се откупени 15 милиони килограми и ниту на еден пункт нема реакција од производителите тврди Марјан Трајков од здружението Басмак.
Од сојузот на синдикати на земјоделците пак тврдат дека последниве денови во одделни производствени региони има реакции во поглед на одбитоците што ги прават откупните компании а тутунот се откупувал и со потфрлување на просечната откупна цена.
Од тутунарските здруженија апелираа до земјоделците кои планираат да се занимават со тутун оваа година да ги пријават своите површини до надлежните а со откупните компании да склучат договори.
