На 5 ноември истекува рокот за поднесување барања за директни плаќања за произведено и предадено овчо, козјо и кравјо млеко во период од мај до септември 2016 година.
Износот на поддршката изнесува 3 и пол денари за литар, информира Агенцијата за финансиска поддршка во земјоделството и руралниот развој. Агенцијата ги потсетува млекопроизводителите дека барањата се поднесуваат по електронски пат во подрачните единици на Министерството за земјоделство, каде што е регистрирано земјоделското стопанство.
До 5 ноември 2016 година завршува и рокот за поднесување барање за директни плаќања за несилки внесени во капацитетот за производство на јајца во период од мај до септември оваа година.
