Агро бизнис Без категорија Вести Македонија Топ вести

Ова е првиот трактор на погон на амонијак во светот

Поради загадувањето, недостигот и поскапувањето на горивата, се повеќе расте интересот за алтернативни извори на горива за трактори. Со оглед на тоа колку се користи како земјоделско ѓубриво, амонијакот би можел да биде главниот кандидат за тоа.

јуни 3, 2022

156

Поради загадувањето, недостигот и поскапувањето на горивата, се повеќе расте интересот за алтернативни извори на горива за трактори. Со оглед на тоа колку се користи како земјоделско ѓубриво, амонијакот би можел да биде главниот кандидат за тоа.

Стартапот Amogy со седиште во Бруклин направи битен чекор во правец на замената на фосилните горива кај тракторите со друга алтернатива и во трактор од типот John Deere го стави својот енергетски систем со нулта емисија на гасови. Со тоа го создадоа првото товарно возило во светот на погон на амонијак.

Нивниот енергетски систем се состои од резервоар за складирање на амонијакот во течна состојба, кој потоа се носи во високоефикасни модули кои го делат на водород и азот. Водородот потоа се користи за погон на тракторот, кој може да вози неколку часа со едно полнење.

Од Amogy велат дека нивното решение нуди пет пат и поголема густина на енергија од литиум-јонските батерии, на повеќе од 700 Wh/kg. Овој систем е интегриран во стандарден трактор John Deere со можност за вршење редовни земјоделски задачи. Од Amogy велат дека тракторот е тестиран во неколку возења со полнење гориво помеѓу возењата, а за полнењето велат дека е брзо и едноставно како полнењето плин во конвенционално возило.

(Vidi.hr)

(фото: Pixabay)

https://inovativnost.mk/2022/06/03/

Тагови