вести

Пиперките скапуваат, откуп нема, земјоделците револтирани

(Oвој напис е објавен на: ноември 7, 2017)

piperki

За над шест илјади тони пиперки, нема обезбедено откуп. Земјоделците трпат огромни штети. Третина од вкупната реколта во прилепско стојат по нивите и дворовите на земјоделците, а ако не се обезбеди итен организиран откуп, родот ќе скапи. Земјоделците трпат огромни штети, секое семејство брои по 2-3 000 евра загуби, зашто прекинал интересот на откупувачите во Бугарија и Романија, каде пиперките ги продавале за многу ниски цени.

Имав околу 30 тони пиперки, 20 тона се продадоа, имам уште 10 тони тука за продавање и сега со тие не знам што ќе се направи, дали ќе се продадат или ќе се фрлат. Беревме, носевме, нудевме, залегната пиперка… еве како се исфрлува веќе. Земјоделците од прилепскиот регион трпат огромни штети“ – реагираат Александар Шипинкоски и Борис Грујоски, двајцата земјоделци од прилепското село Обршани.

И нивните соселани се чувствуваат изиграни, зашто велат зависат од препродавачите. Трговците тврдат имаат краен збор во оваа купо-продажна игра, во која родот го продаваат за крајно ниски цени, со кои не можат да ги платат ни трошоците за производство. Зелената пиперка се жалат индивидуалните производители не може да ја продадат ни за 6 денари за килограм.

„Дваесет денари одеше првата класа, ама сега зелената 4 денари, тоа се 24 денари, да ги поделиме 12 денари… Со 12 денари ние производство не можеме да излеземе, бидејќи литар нафта е едно евро, нас ни требаат пет килограми производ, за литар. Државата нешто да помогне, а не да се жали со стимулации за градинарски, за не знам механизација… Од тоа овде на терен, не можеме ние ништо да видиме“  -револитирани зборуваат оние кои живеат од земјоделство.

Градинарите загрижени за својата егзистенција сега бараат итна помош од државата, исплата на отштета, субвенција по килограм, а не по хектар и дефинирање на заштитна цена за пиперките, која мора да биде за триесет отсто повисока во однос на сегашната велат.

„Од Министерството за земјоделство ние бараме да ни ја исплати оваа штета за зелената пиперка од 6 до 7 денари од килограм од која што е предадена и исто бараме и заштитна цена“ – ги пренесуваат барањата на прилепските земјоделци Игор Сидороски и Рубин Шефтероски.


 

republika.mk

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close