Тутунарот Јосифовски го подмирил долгот за вода, но се уште не зел субвенции за тутунот

Тутунарот Васко Јосифовски од селото Трновци, општина Могила со отворено писмо до директорот на Платежната агенција Никица Бачовски.

Господине Бачовски..

Знам дека ја следите групата „Македонски тутунари“, а со посебно внимание ги читате моите објави..

Затоа, Ве молам, без да ме лажете мене, а и сите други тутунари на кои не им се исплатени субвенциите, да ни кажете кога ќе ни биде платено она што со закон ни следува..

И Ве молам, јасно и гласно да ни кажете, според која логика за долг од 500 или 1000 денари им ги задржувате парите на граѓаните?, прашува Јосифовски кој се уште не ги зел субвенциите за предадениот тутун.