Хоџа со најнова вест-Тргнати се пречките за исплата на субвенциите за тутунопроизводителите

Со усвојувањето на предлог-измените на Законот за земјоделство и рурален развој, предложен од пратениците на парламентарното мнозинство, се тргнати пречките за исплата на субвенциите за тутунопроизводителите за оваа година. Исто така во комуникација со директорот на Платежна Агенција, Никола Бачовски сум информиран дека од технички аспект Агенцијата ги има преземено сите мерки и во моментот на објавување на промените во Законот за земјоделство и рурален развој во службен весник, ќе се процесира плаќањето на субвенциите. Им благодарам на сите пратеници на Собранието на Република Северна Македонија за конструктивноста и нивната поддршка, стои во објавата на  министерот Арјанит Хоџа околу исплатата на субвенциите за тутунопоизводителите.