Есенската пченица добро напредува

Минатата недела врнежите беа добредојдени за земјоделството по претходно високите температури кои ја исушија почвата. За развој на вегетацијата сега има доволно влага.

Во оваа фаза на развој, врнежите се добредојдени за есенските и за пролетните култури. Прогнозата предвидува и намалување на дневната температура што е поволно за житните култури.

Есенската пченица добро напредува, но приносите, рано е да се предвидат.

Поради есенските и пролетните врнежи и поплави, површините со оваа култура се намалени, и изнесуваат 70.000 наместо вообичаените 100.000 хектари.